Kyrie eleison
Christe eleison
Kyrie eleison

Christe, audi nos
Christe, exaudi nos

Pater de caelis, Deus, miserere nobis
Fili, Redemptor mundi, Deus
Spiritus Sancte, Deus
Sancta Trinitas, unus Deus

Sancta Maria, ora pro nobis
Sancte Ioseph
Proles David
Lumen Patriacharum
Dei Genitricis sponse
Custos pudice Virginis
Filii Dei nutricie
Christi defensor sedule
Almae Familiae praeses
Ioseph iustissime
Ioseph castissime
Ioseph prudentissime
Ioseph fortissime
Ioseph oboedientissime
Ioseph fidelissime
Speculum patientiae
Amator paupertatis
Exemplar opificum
Domesticae vitae decus
Custos virginum
Familiarum columen
Solacium miserorum
Spes aegrotantium
Patrone morientium
Terror daemonum
Protector sanctae Ecclesiae, ora pro nobis.


Agnus Dei, qui tollis peccata mundi,
parce nobis Domine.
Agnus Dei, qui tollis peccata mundi,
exaudi nos Domine.
Agnus Dei, qui tollis peccata mundi,
miserere nobis.

V.: Constituit eum dominum domus suae.

R.: Et principem omnis possessionis suae.

V.: Oremus. Deus, qui ineffabili providentia beatum Ioseph sanctissimae Genitricis tuae sponsum eligere dignatus es: praesta, quaesumus: ut, quem protectorem veneramur in terris, intercessorem habere mereamur in caelis: Qui vivis et regnas in saecula saeculorum.

R.: Amen.

(Enchiridion Indulgentarium, n. 29; indulgentia partialis)